Waqt-e-Maghrib Ko Jo Waqt-e-Asr Banane Wale

Waqte Maghrib Ko Waqte Asr Banaane Waale,

Lamhe Me Duba Hua Shams Phiraane Waale.

Saahibe Taaj Bhi Tu, Saahibe Me'raaj Bhi Tu,

Arsh Par Ja Ke Jo Lamhe Me Hai'n Aane Waale.

Sakht Mujrim Hu'n, Bacha Hashr Ki Ruswaai Se,

Aey Gunahgaar Ko Daaman Me Chhupaane Waale.

Mere Dil Ko Bhi Jilaado Mere Aqua Ab To,

Sun Lo Fariyaad Meri, Murde Jilaane Waale.

Ahle Sunnat Ka Aqida Hai Haqiqat Bhi Hai,

Zindah Hai'n Sarware A'alam Ke Gharaane Waale.

Zindagi Rahmate Aalam Ki Wafaadaari Hai,

Maut Ghaddaari Hai, Aey Rukh Ke Phiraane Waale.

Ghause A'azam Ki Himaayat Ka Hai Panja Hum Par,

Soch Le Itna Zara Aa'nkh Uthaane Waale.

Kya Bigaadega Mukhaalif Koi Mumkin Hi Nahi'n,

Ghause A'azam Hai'n Meri Bigdi Banaane Waale.

Meri Taqdir Buri Ho To Bhali Kar Aqua,

Chor Ko Lamhe Me Abdaal Banaane Waale.

Dine Ahmed Hume'n Yu'n Hi Nahi'n Haasil Hai Hua,

De Gaye Karbala Me Sar Ko Kataane Waale.

Ahle Imaan Jise Kehte Hai'n A'ala Hazrat,

Woh Baraily Me Hai'n Islaam Bachaane Waale.

Gharq Hai'n Bil Yaqi'n Darya-e-Ghalat Fahmi Me,

Aaine Jaisa Hi Tivi Ko Bataane Waale.

Sakht Naaraaz Khuda Aur Nabi Hote Hai'n,

Sun Lo Aey Shauq Se Taswir Khi'nchaane Waale.

Pur Fitan Daur Me Kehti Hai Sadaaqat Ro Kar,

Aey Kahaa'n Chhup Gaye Haq Baat Bataane Waale.

Un Se Bachna Jo Hai'n Makkaar Ba Shakle Sufi,

Din Ki Aad Liye Duniya Kamaane Waale.

Fikr To Qabr Ke Ghanghor Andhere Ki Kar,

Haath Me Chaand Zamaane Ko Dikhaane Waale.

Meri Manzil Hai Baqi, Mujh Ko Madina Pahoncha,

Aey Meri Zist Ki Kashti Ko Chalaane Waale.

Naaz Kar Hazrate Gauhar Ki Inaayat Par Tu,

Tujh Ko "Saiyed" Jo Hai'n Ash'aar Likhaane Waale.

✒️ Awulaade Huzur Gause A'azam Shahzaadah E Huzur Zahire Millat Alam Bardaare Maslake A'ala Hazrat Pire Tariqat Hazrat Allaama Wa Maulaana

SAIYED MUHAMMAD AALE MUSTAFA DAADA BAAPU QUADIRI BARKAATI

Qadim Markaze Ahle Sunnat Khanquahe Aaliya Quadiriyyah Razzaaqiyyah Shaah Rizqullaah, Shaah Gauhar Piya

(Jafarabad,Sharif,Kathhiyawad, Gujrat,India)

وقتِ مغرب کو جو وقتِ عصر بنانے والے

لمحے میں ڈوبا ہوا شمس پھرانے والے

صاحبِ تاج بھی تو، صاحبِ معراج بھی تو

عرش پر جا کے جو لمحے میں ہیں آنے والے

سخت مجرم ہوں، بچا حشر کی رسوائی سے

اے گنہگار کو دامن میں چھپانے والے

میرے دل کو بھی جِلا دو میرے آقا! اب تو

سن لو فریاد میری، مردے جِلانے والے

اہلِ سنت کا عقیدہ ہے، حقیقت بھی ہے

زندہ ہیں سرور عالم کے گھرانے والے

زندگی رحمتِ عالم کی وفاداری ہے

موت غداری ہے، اے رخ کے پھرانے والے

غوثِ اعظم کی حمایت کا ہے پنجہ ہم پر

سوچ لے اتنا ذرا، آنکھ اٹھانے والے

کیا بگاڑے گا مخالف کوئی ممکن ہی نہیں

غوثِ اعظم ہیں میری بگڑی بنانے والے

میری تقدیر بری ہو تو بھلی کر آقا

چور کو لمحے میں ابدال بنانے والے

دینِ احمد ہمیں یوں ہی نہیں حاصل ہے ہوا

دے گئے کربلا میں سر کو کٹانے والے

اہلِ ایمان جسے کہتے ہیں اعلیٰ حضرت

وہ بریلی میں ہیں اسلام بچانے والے

غرق ہیں بالیقیں دریاۓ غلط فہمی میں

آئینے جیسا ہی ٹی وی کو بتانے والے

سخت ناراض خدا اور نبی ہوتے ہیں

سن لو اے شوق سے تصویر کھنچانے والے

پر فتن دور میں کہتی ہے صداقت رو کر

اے کہاں چھپ گئے حق بات بتانے والے

ان سے بچنا جو ہیں مکار بشکلِ صوفی

دین کی آڑ لیے دنیا کمانے والے

فکر تو قبر کے گھن گھور اندھیرے کی کر

ہاتھ میں چاند زمانے کو دکھانے والے

میری منزل ہے بقیع، مجھ کو مدینہ پہنچا

اے میری زیست کی کشتی کو چلانے والے

ناز کر حضرتِ گوہر کی عنایت پر تو

تجھ کو "سید" جو ہیں اشعار لکھانے والے

✒️ اولاد حضور غوث اعظم شہزادہ حضور ظہیر ملت علم بردار مسلک اعلیٰ حضرت پیر طریقت حضرت علامہ و مولانا

سید محمد آل مصطفیٰ دادا باپو قادری برکاتی

قدیم مرکز اہل سنت خانقاہ عالیہ قادریہ رزاقیہ شاہ رزق اللہ، شاہ گوہر پیا

(جعفرآباد، شریف،کاٹھیاواڑ، گجرات، انڈیا)