Bade Khush-Bakht The Jo Aap Ki Mehfil Mein Aate The

Bade Khush Bakht The Jo Aap Ki Mahfil Me Aate The,

Aqidat Se Jo Bazme Mustafa Mil Kar Sajaate The.

Sahaaba Kaif Paate The Nabi Khud Jhum Jaate The,

Nabi Ki Ru Ba Ru Hassaan Jab Na'ate'n Sunaate The.

Nabi Ki Na'at Ke Sadqe Mili Hassaan Ko Izzat,

Mohabbat Se Unhe'n Sarkaar Mimbar Par Bithaate The.

Muqaddar Ka Na Poochho Hazrate Hassaan Ki Khaatir,

Rasulullaah Apne Haath Se Mimbar Sajaate The.

Nawaazish Ka Inaayat Ka Karam Ka Puchhna Kya Hai,

Nabi Hassaan Ko Khud Daad Dete The Dilaate The.

Mubarak Un Nufuse Quds Ki Qismat Ka Kya Kehna,

Mohabbat Se Jinhe'n Sarkaar Sine Se Lagaate The.

Asa-e-Ghause A'azam Ne Zami'n Ko Thaam Rakha Tha,

Zami'n Ko Wajd Aata Tha Hasan Jab Jhum Jaate The.

Hasan Ke Jhum Jaane Se Zamee'n Par Zalzala Aata,

Zami'n Ko Ghause A'azam Apne Dande Se Dabaate The.

Mere Khwaaja Muinuddin Ka Woh Aastaana Hai,

Jahaa'n Par Baadshaahe Waqt Bhi Sar Ko Jhukaate The.

Madina Se Palat Kar Dekhiye Jab Hind Me Aate,

Baraily Ba'ad Me Pahle Raza Ajmer Jaate The.

Yehi Mahsus Hota Hai Raza Qaasid Ki Surat Me,

Nabi Ka Hukm Laa Laa Kar Ke Khwaaja Ko Sunaate The.

Zahire Quadiri Ka Hum Ne Ye Ma'amul Dekha Hai,

Nabi Ke Dushmano Ko Apni Chaukhat Se Bhagaate The.

Agar Dushman Nabi Ka Bhul Se Darbaar Me Aata,

Ali Waala Zahire Quadiri Neyza Uthaate The.

Nabi Ke Dushmano Se Dosti Hargiz Nahi'n Rakhna,

Zahire Quadiri Har Dam Yehi Hum Ko Bataate The.

Raza Ke Dushmano Pe Har Ghadi Qahro Ghazab Dhhaate,

Raza Ke Chaahne Waalo'n Ko Baazu Me Bithhaate The.

Nahi'n Tha Gumbade Khazra Zami'n Ka Taaje Sar Jab Tak,

Zami'n Ko Har Ghadi Shamso Qamar Aa'nkhe'n Dikhaate The.

Shuja-at Ke Libaade Me Ali Maidaan Me Aa Kar,

Adu-e-Mustafa Ko Pal Me Mitti Me Milaate The.

Ata Barkat Mujhe Hassaane Saani Ke Qalam Ki Ho,

Baraily Se Jo Ishqe Mustafa Me Gungunaate The.

Ilaahi! "Saiyed Aale Mustafa" Ko Woh Zabaa'n De De,

Jo Kodinar Se Gauhar Piya Naghme Sunaate The.

✒️ Awulade Huzur Gause A'azam Shazaadah E Huzur Zahire Millat Alam Bardaare Maslake A'ala Hazrat Pire Tariqat Hazrat Allaama Wa Maulaana

SAIYED MUHAMMAD AALE MUSTAFA DAADA BAAPU QUADIRI BARKAATI

Qadim Markaze Ahle Sunnat Khanquahe Aaliya Quadiriyyah Razzaaqiyyah Shaah Rizqullaah, Shaah Gauhar Piya

(Jafarabad,Sharif,Kathhiyawad, Gujrat,India)

بڑے خوش بخت تھے جو آپ کی محفل میں آتے تھے

عقیدت سے جو بزمِ مصطفےٰ مل کر سجاتے تھے

صحابہ کیف پاتے تھے، نبی خود جھوم جاتے تھے

نبی کے روبرو حسّان جب نعتیں سناتے تھے

نبی کی نعت کے صدقے ملی حسّان کو عزت

محبت سے انہیں سرکار منبر پر بٹھاتے تھے

مقدر کا نہ پوچھو حضرتِ حسّان کی خاطر

رسول اللہ اپنے ہاتھ سے منبر سجاتے تھے

نوازش کا، عنایت کا، کرم کا پوچھنا کیا ہے

نبی حسّان کو خود داد دیتے تھے، دلاتے تھے

مبارک ان نفوسِ قدس کی قسمت، کا کیا کہنا

محبت سے جنہیں سرکار سینے سے لگاتے تھے

عصائے غوثِ اعظم نے زمیں کو تھام رکھا تھا

زمیں کو وجد آتا تھا، حسن جب جھوم جاتے تھے

حسن کے جھوم جانے سے زمیں پر زلزلہ آتا

زمیں کو غوثِ اعظم اپنے ڈنڈے سے دباتے تھے

میرے خواجہ معین الدین کا وہ آستانہ ہے

جہاں پر بادشاہِ وقت بھی سر کو جھکاتے تھے

مدینہ سے پلٹ کر دیکھیے، جب ہند میں آتے

بریلی بعد میں، پہلے رضا اجمیر جاتے تھے

یہی محسوس ہوتا ہے رضا قاصد کی صورت میں

نبی کا حکم لا لا کر کے خواجہ کو سناتے تھے

ظہیرِ قادری کا ہم نے یہ معمول دیکھا ہے

نبی کے دشمنوں کو اپنی چوکھٹ سے بھگاتے تھے

اگر دشمن نبی کا بھول سے دربار میں آتا

علی والا ظہیرِ قادری نیزہ اٹھاتے تھے

نبی کے دشمنوں سے دوستی ہرگز نہیں رکھنا

ظہیرِ قادری ہر دم یہی ہم کو بتاتے تھے

رضا کے دشمنوں پہ ہر گھڑی قہر و غضب ڈھاتے

رضا کے چاہنے والوں کو بازو میں بٹھاتے تھے

نہیں تھا گنبدِ خضریٰ زمیں کا تاجِ سر جب تک

زمیں کو ہر گھڑی شمس و قمر آنکھیں دکھاتے تھے

شجاعت کے لبادے میں علی میدان میں آ کر

عدوئے مصطفےٰ کو پل میں مٹی میں ملاتے تھے

عطا برکت مجھے حسّانِ ثانی کے قلم کی ہو

بریلی سے جو عشقِ مصطفےٰ میں گنگناتے تھے

الٰہی! "سیدِ آلِ مصطفےٰ" کو وہ زباں دے دے

جو کوڑینار سے گوہر پیا نغمے سناتے تھے

✒️ اولاد حضور غوث اعظم شہزادہ حضور ظہیر ملت علم بردار مسلک اعلیٰ حضرت پیر طریقت حضرت علامہ و مولانا

سید محمد آل مصطفیٰ دادا باپو قادری برکاتی

قدیم مرکز اہل سنت خانقاہ عالیہ قادریہ رزاقیہ شاہ رزق اللہ، شاہ گوہر پیا

(جعفرآباد، شریف، کاٹھیاواڑ ,گجرات،انڈیا)