Karam Ka Dast-e-Aqdas Jab Uthaya Shah-e-Gauhar Ne
Saiyed Aale Mustafa
Qadri Barkati
Lyrics
Karam Ka Daste Aqdas Jab Uthaaya Shaah Gauhar Ne,
Khazaana Ghause A'azam Ka Lutaaya Shaah Gauhar Ne.
Pukaara Ya Shahe Gauhar Meri Imdaad Ko Aavo,
To Pal Me Dubti Kashti Tiraaya Shaah Gauhar Ne.
Haqiro Naatwaa'n, Kam Zarf, Ghaa'nchi Aur Pi'njaaro'n Ko,
Karam Se Apne Mansuri Banaaya Shaah Gauhar Ne.
Abu Bakro Umar Ki Afzaliyat Kar Diya Saabit,
Shia Ustaaz Ko Pal Me Haraaya Shaah Gauhar Ne.
Sahaaba Ke Tariqe Par Jo Hai'n Woh Ahle Sunnat Hai'n,
Yahi Bachpan Se Hi Sab Ko Bataaya Shaah Gauhar Ne.
Shikaste Faash De De Kar Hamesha Raafiziyo'n Ko,
Hume'n Kis Ne Shi'eiyat Se Bachaaya? Shaah Gauhar Ne.
Jo Jab Bhi Saamne Aaya Taqaabul Ka Liye Tevar,
Dalaail Aur Baraahin Se Haraaya Shaah Gauhar Ne.
Jo Maa'nga Jab Bhi Maa'nga "Saiyed Aale Mustafa" Mai'n Ne,
Diya Hai Shaah Gauhar Ne, Dilaaya Shaah Gauhar Ne.
✒️ Awulaade Huzur Gause A'azam Shazaadah E Huzur Zahire Millat Alam Bardaare Maslake A'ala Hazrat Pire Tariqat Hazrat Allaama Wa Maulaana
SAIYED MUHAMMAD AALE MUSTAFA DAADA BAAPU QUADIRI BARKAATI
Qadim Markaze Ahle Sunnat Khanquahe Aaliya Quadiriyyah Razzaaqiyyah Shaah Rizqullaah, Shaah Gauhar Piya
(Jafarabad,Sharif,Kathhiyawad, Gujrat,India)